தபால் நிலைய சேமிப்பு

சேமிப்பு

வீட்டுச் செலவுக்கென கணவர் கொடுக்கும் பணத்தில் ஒரு ரூபாயையாவது மிச்சப்படுத்திவைப்பது நம்மூர் இல்லத்தரசிகளின் குணம் மட்டுமல்ல, அவர்களது நிர்வாகத் திறமையின் வெளிப்பாடும் கூட. என்னதான் பார்த்துப் பார்த்து பட்ஜெட் போட்டாலும் ஒவ்வொரு மாதமும் நிச்சயம் வரவுக்கு மீறிய செலவு ஒன்றாவது இருக்கும்.அதுபோன்ற நேரத்திலும் அவசர மற்றும் எதிர்பாராத செலவுகளுக்கும் கைகொடுப்பது இல்லத்தரசிகளின் இந்த சேமிப்புதான்.

இப்படி சிறுகச் சிறுகச் சேமிப்பதை கிராமப்புறங்களில் சிறுவாட்டுப் பணம் என்பார்கள். சேமிக்கிற பணத்தை சமையலறையில் மட்டுமே வைப்பதைவிட ஏதாவது சேமிப்பு கணக்கில் போட்டுவைத்தால் அசலுடன் வட்டியும் சேர்ந்து உங்களது தேவைக்கு கைகொடுக்குமே. அப்படி பணத்தை எந்த வகையில் சேமிக்கலாம்.

இன்று எத்தனையோ சேமிப்பு முறைகள் வந்தாலும் எல்லா வகையிலும் பாதுகாப்பானது போஸ்டல் சேவிங்ஸ் எனப்படும் அஞ்சலக சேமிப்பு முறைதான். கிட்டத்தட்ட 100 ஆண்டுகளுக்கும் மேலாக தன் சேவையைத் தொடர்ந்து கொண்டிருக்கிறது இது. இந்த சேமிப்பில் குறைவான வட்டி விகிதம் என்பதுடன் இது ஏழை மக்களுக்கான சேமிப்பு எனப் பலர் தவறான நினைக்கிறார்கள். உண்மையை சொல்வதென்றால் இல்லத்தரசிகளுக்கு ஏற்றது அஞ்சல சேமிப்புதான். பெண்கள் தைரியமாக நம்பிக்கையுடன் போகக்கூடிய இடங்களில் போஸ்ட் ஆபிஸும் ஒன்று.

இங்கு ஏழை, பணக்காரர் என்கிற வித்தியாசமோ, பெரிய கடைகள் அல்லது நிறுவனங்களில் உள்ளது போன்ற பகட்டான தோற்றமோ கிடையாது. சிலருக்கு வங்கியில் நுழைவதற்கு தயக்கமோ, எப்படி உதவி கேட்பது என்கிற கூச்சமோ இருக்கும். ஆனால் போஸ்ட் ஆபிஸ் அப்படி அல்ல. இங்கு 10 ரூபாயைக்கூட கவுரவமாக சேமிக்க முடியும். மற்ற முதலீட்டு சாதனங்களான ரியல் எஸ்டேட், மியூச்சுவல் ஃபண்ட், பங்குச்சந்தை போன்றவற்றில் உள்ளது போன்ற கடுமையான மற்றும் சிக்கலான நிபந்தனைகள் இங்கு கிடையாது. அஞ்சலக முதலீடுகளின் பிளஸ் பாயின்ட்டே இங்கு 100% பாதுகாப்பு உண்டு என்பதுதான். இவை எல்லாவற்றையும் விட ஆண் துணை இல்லாமல் தைரியமாக அஞ்சலகத்தில் சேமிக்க முடியும். பெண்களுக்கு இதைத்தவிர வேறென்ன வேண்டும்! என்றவர், பலவிதமான அஞ்சலக சேமிப்பு முறைகள் குறித்தும் சொல்கிறார்.

பெண்களுக்கான திட்டங்கள்

அஞ்சலக சேமிப்பு கணக்கு (Post office Savings Account),

தொடர் வைப்புக்கணக்கு ((Rezcurring Deposit Account),

அஞ்சலக மாந்தாந்திர வருமான கணக்கு (PostOffice Monthly Income Account),

வருங்கால வைப்பு நிதி (Public Provident Fund Account),

கிசான் விகாஸ் பத்திரம் (KisanVikas Patra),

தேசிய சேமிப்புப் பத்திரம் (National Savings Certificate)

அஞ்சலக வைப்பு கணக்கு (Post Office Time Deposit Account)

அஞ்சலக சேமிப்பு கணக்கு என்பது ஒரு வங்கி சேமிப்பு கணக்கு  போன்றது. அதற்கு இருப்பதுபோல செக் வசதியும் உண்டு. இதற்கு குறைந்தபட்சம் 50 ரூபாய் இருந்தாலே போதும்.

post atm free.jpg

தொடர் வைப்புக் கணக்கு

இது மிகவும் பிரபலமான திட்டம். இன்று  வங்கிகளில் காணப்படுகின்ற தொடர்வைப்புக் கணக்கு திட்டங்களுக்கு இதுவே  முன்னோடி. இந்தத் திட்டத்தில் மாதம் 10 ரூபாய்கூட சேமிக்க முடியும். உதாரணத்துக்கு, ஒரு மாதத்துக்கு வெறும் 50 ரூபாய் செலுத்தி வந்தால், 5 வருடங்களுக்குப் பிறகு அவருக்கு வட்டியுடன் சேர்த்து 3644.50 ரூபாய் கிடைக்கும். மாதம் 100 ரூபாய் செலுத்தினால்  5 வருடங்களுக்குப் பிறகு 7289.50 ரூபாய் கிடைக்கும். மாதம் 150 ரூபாய் செலுத்தினால் 5 வருடங்களுக்குப் பிறகு 10933.50 ரூபாய் கிடைக்கும்.

அஞ்சலக மாந்தாந்திர வருமான கணக்கு

இதற்கு குறைந்தபட்ச தொகை 1,500 ரூபாய்.

வருங்கால வைப்பு நிதி

இந்தத் திட்டம் தொழிலாளர்களுக்காகவும், உழைக்கும் வர்க்கத்தினரின் எதிர்கால தேவையைப் பூர்த்தி செய்யவும் உருவாக்கப் பட்டது. இதில், குடும்பப் பெண்களும் முதலீடு செய்து சேமிக்கலாம். அடுத்ததாக, கிசான் விகாஸ் பத்திரம் மற்றும் தேசிய சேமிப்பு பத்திரம். ஒரு காலத்தில் பெண் குழந்தை பிறந்தவுடன் இந்த பத்திரம் ஒன்றை வாங்கிவிடுவார்கள். இந்தப் பத்திரங்கள் முதிர்வு காலம் வந்தவுடன், அவை மீண்டும் புதுப்பிக்கப்படும். பலருக்கு பொருளாதார ஆலோசனை கூறும் ஆடிட்டர்கள்கூட இவற்றை வாங்கி வைத்துக் கொள்கின்றனர். எனவே, அஞ்சலகத்திலோ அல்லது அஞ்சலக முகவர்களிடம் நேரடியாகச் சென்று தங்களது சேமிப்பைத் தொடங்கலாம் .

பாதுகாப்பு

அஞ்சலக சேமிப்புக்கு 100% பாதுகாப்பு உண்டு. ஏனென்றால், அஞ்சலக துறை நேரடியாக மத்திய அரசின் கீழ் வருகின்றது. இதன் செயல்பாடுகளும், முதலீடுகளும் மத்திய அரசின் கட்டுப்பாட்டுக்குள் வருகின்றன. அஞ்சலகத் துறை நாடு முழுவதும் பரந்து விரிந்து காணப்படுகின்றது. வங்கிக்கிளை இல்லாத ஊர்களில்கூட அஞ்சலகக் கிளை இருக்கும். இப்படி மக்களோடு பின்னிப் பிணைந்து நாட்டின் மூலைமுடுக்கெல்லாம் நிறைந்திருக்கிற அஞ்சலகத் துறையை நாம் பயன்படுத்திக்கொள்வது அவசியம்.

These 6 cricketers are doing completely different jobs now

1. Joginder Sharma

 

j

Joginder Sharma will always be remembered for his last over in the ICC World T20 2007. He became an overnight star in Indian cricket and made himself an unforgettable cricketer. However, Sharma’s cricketing career never really flourished as expected and today, he serves as a DSP in Haryana Police. Well, at least, he’s serving the nation in a noble way.

2. Shanthakumaran Sreesanth

 

2

S Sreesanth’s career took a drastic turn after the spot-fixing allegation in the India Premier League (IPL), which led to his life-long ban from competitive cricket. Known for his celebratory dance moves on-field, Sreesanth decided to move into the tinsel town and today, he’s one of the upcoming stars on Mollywood.

Sreesanth also contested assembly election from Bhartiya Janta Party ticked from Kerela and lost  it.

 3. Debashish Mohanty

 

4

Debashish Mohanty was one of the key players in India’s victory in the Sahara Cup against Pakistan during the 90s. He’s also one of the few players to have a the record of taking ten wickets in domestic cricket. Mohanty, although an excellent bowler lost his place in the team to Ajit Agarkar and currently is employed by the National Aluminium Company Limited, Odisha.

4. Saddagopan Ramesh

 

3

Saddagopan Ramesh was once India’s first choice opener in Test cricket. Known for his stiff footwork, Ramesh made many valuable contribution to Indian cricket with his bat at the top of the order in Test cricket. Ramesh chose to give up his career in cricket and like many cricketers do, decided to join the film industry. If you’re into Tamil cinema, you may have spotted Ramesh in the 2008 flick,Santosh Subramaniam and also, Potta Potti.

5. Andrew Flintoff

 

Andre Flintoff is one of the best all-rounders England have ever produced. After retiring from international cricket, Flintoff became a professional boxer. Flintoff, 6’4, put an end to all apprehensions regarding his career choice by beating down America’s Richard Dawson on his professional boxing debut.

6. Sir Curtley Ambrose

 

h

One of the greatest fast bowlers in cricket history , Sir Curtley Ambrose terrorised almost every batsman he bowled against with his speed and aggression. Ambrose made the most investing career shift. Sir Curtley Ambrose is now a reggae musician who plays the bass in a band called Tfe Baldhead.

கூகுள் தந்திருக்கும் புதிய மாற்றங்கள்

காலையில் அலுவலகம் நுழைந்ததும் முதல் வேலையாக கூகுள் ஓப்பன் செய்வதுதான் பலருக்கும் வழக்கமாக இருக்கும். இணையத்தைப் பயன்படுத்தும் யாரும் கூகுளை ஓப்பன் செய்யாமல் ஒரு நாளைக்கூட கடத்தி விட முடியாது. அந்த அளவுக்கு கூகுள் சர்ச் இன்ஜினும், அதன் தயாரிப்புகளும் நம் வாழ்க்கையில் ஓர் அங்கமாக மாறிவிட்டது. கூகுள் கொண்டுவரும் எந்தவொரு சிறிய மாற்றமும் நம்மை  நேரடியாகப் பாதிக்கும். தற்போது கூகுள் சில மாற்றங்களைச் செய்துள்ளது. அவை என்னவென்று பார்ப்போமா?

கூகுள்

ஜி-மெயிலில் இனி 50MB வரை ஃபைல்களைப் பெறலாம் :

இ-மெயில் சேவையைப் பொறுத்தவரை தனிப்பட்ட பயன்பாட்டுக்கும், அலுவலகப் பயன்பாட்டுக்கும் கூகுளுக்குச் சொந்தமான ஜி-மெயில் தான் அதிக அளவில் பயன்படுத்தப்படுகிறது.  ஜி-மெயில் பயன்படுத்துவோரின் எண்ணிக்கை கடந்த ஆண்டே நூறு கோடியைத் தாண்டிவிட்டது.

ஜி-மெயில்

அதிக மெமரி கொண்ட ஃபைல்களை அனுப்பவும், பெறவும் ஜி-மெயில் பொதுவாக அனுமதிப்பதில்லை. இதுவரை அதிகபட்சமாக 25MB மெமரி கொண்ட ஃபைல்களை அனுப்பதான் ஜி-மெயில் அனுமதிக்கிறது. அந்த அளவைத்  தாண்டும் பட்சத்தில், தானாகவே கூகுள் ட்ரைவ் மூலமாக அப்லோட் செய்து அதன் லிங்கை மட்டுமே மெயிலில் அனுப்ப  முடியும். அதன்பின் அந்த லிங்கை கிளிக் செய்து இணைப்பை டவுன்லோட் செய்ய, அனுப்பியவர் அனுமதிக்க  வேண்டும். அதன் பின்னரே டவுன்லோட் ஆகும். ஆனால் இன்று முதல் 50MB அளவு வரை ஜி-மெயில் யூசர்ஸ்  ஃபைல்களை நேரடியாக மெயில் மூலமாகப் பெற ஜி-மெயில் அனுமதித்திருக்கிறது.

ஜி-மெயில் பயனர்கள் 25MB-க்கு மேல் மெயில் அனுப்பும்போது, வழக்கம்போல கூகுள் ட்ரைவ் மூலமாக  அப்லோட் ஆகும். ஆனால் மெயிலைப் பெறுபவர்களுக்கு 50MB அளவு வரை அது சாதாரண இணைப்பாகவே  காண்பிக்கிறது. டவுன்லோட் பட்டனைத் தட்டி அதை அப்படியே டவுன்லோட் செய்ய முடிகிறது.

கூகுள் ஸ்ப்ரெட் ஷீட்டில் புதிதாக சில வசதிகள் :

கூகுள் டாக்குமென்ட்ஸ் வசதிகளில் ஒன்றான ஸ்ப்ரெட்ஷீட்டில் புதிதாக சில வசதிகள் வரவிருக்கிறது. இதுவரை Row எனப்படும் வரிசை, Column எனப்படும் பத்தி போன்றவற்றை மட்டுமே டெலீட் செய்ய முடியும். ஆனால் இனிமேல் குறிப்பிட்ட Cell-களை மட்டும் தேர்ந்தெடுத்து அவற்றையும் டெலீட் செய்ய முடியும்.

google

இதே போல், ஒரு கட்டத்தில் இருக்கும் எழுத்துக்களை இனி விருப்பம்போல் எந்த திசையில் வேண்டுமானாலும் திருப்பிக் கொள்ளும் ’ரொட்டேட் டெக்ஸ்ட்’ வசதி, அக்கவுண்டிங் ஃபார்மட் வசதிகளையும் கூகுள் தனது ஸ்ப்ரெட்ஷீட்டில் அறிமுகம் செய்துள்ளது. மேலும் சில பார்டர் ஸ்டைல்களையும் கூகுள் அறிமுகப்படுத்தியிருக்கிறது. மைக்ரோசாப்ட்டின் எக்ஸலில் ஏற்கெனவே இருக்கும் வசதிகள் தான் என்றாலும், தற்போதுதான் இந்த வசதிகள் ஸ்ப்ரெட்ஷீட்டில் அறிமுகம் செய்யப்படுகின்றன. இந்த வசதிகளை வருகின்ற 6-ம் தேதியிலிருந்து பயன்படுத்திக் கொள்ள முடியும்.

மொஸில்லா ப்ரெளசரில் ‘ஹேங்க்-அவுட்’ வேலை செய்யாது :

கூகுள் ஹேங்க்-அவுட்

கூகுள் அக்கவுன்ட் மூலம் ஆடியோ மற்றும் வீடியோ கால் செய்ய உதவும் ஒரு வசதி ‘ஹேங்க்-அவுட்’. மொஸில்லா நிறுவனத்தின் ஃபயர்பாக்ஸ் 52 வெர்சன் ப்ரெளசரானது ப்ளகின்களை அனுமதிக்காது என அந்நிறுவனம் தெரிவித்திருந்தது. ‘ஹேங்க்-அவுட்’ வசதி ப்ளகின்கள் மூலமாக தான் ஆடியோ மற்றும் வீடியோ கால்களை மேற்கொள்கிறது என்பதால், 7-ம் தேதிக்கு மேல் புதிய ஃபயர்பாக்ஸ் ப்ரெளசரில் இது தற்போதைக்கு வேலை செய்யாது. இதை சரிசெய்ய விரைவில் நடவடிக்கை எடுக்கப்படும் என கூகுள் நிறுவனம் தெரிவித்துள்ளது.

பயனாளர்களின் வசதி மற்றும் பாதுகாப்பைக் கருத்தில் கொண்டு கூகுள் புதிது புதிதாக பல மாற்றங்களைச் செய்து வருகிறது என்பது குறிப்பிடத்தக்கது.

இன்னிக்கி யாரெல்லாமோ டபுள் செஞ்சுரி அடிக்கான்… ஆனா, விதை சச்சின் போட்டது!

2010 பிப்ரவரி 24. அப்போது மம்தா பானர்ஜி ரயில்வே மினிஸ்டர். அன்று அவர் நாடாளுமன்றத்தில் ரயில்வே பட்ஜெட் தாக்கல் செய்துகொண்டிருந்தார். வழக்கமாக, பட்ஜெட் விவரங்கள்தான் பத்திரிகைகளில் மறுநாள் தலைப்புச் செய்தியாகும். ஆனால், அந்த இடத்தை ஆக்கிரமத்திருந்தார் சச்சின் டெண்டுல்கர். மம்தாவின் ரயில்வே பட்ஜெட் முதல் பக்கத்தில் பெட்டிச் செய்தியானது.

கிரிக்கெட் கிரவுண்டுகளில் குவாலியர் அவ்வளவு பிரமாதமான ஸ்டேடியம் இல்லை. ஆனால், இந்த மும்பை மைந்தன் அந்த மத்தியப் பிரதேச நகருக்கு வரலாற்று முக்கியத்துவத்தைக் கொடுத்திருந்தார். கேப்டன் ரூப் சிங் ஸ்டேடியத்தில் அன்று கிரிக்கெட் பார்த்தவர்களுக்கு, வாழ்நாள் முழுவதும் மறக்க முடியாத நினைவுகளை அள்ளிக் கொடுத்திருந்தார். சச்சின் அன்றி

சச்சின் 200

வேறு எவரால் இது சாத்தியம்?

அப்படி என்ன செய்தார்?
சிம்பிள்… ஒன் டேயில் டபுள்செஞ்சுரி. 200 அடித்த முதல் வீரர். அதுவும் இந்தியர். வேர்ல்ட் ரிக்கார்ட். படைத்தது நம் சச்சின். ஒருநாள் கிரிக்கெட் ஃபார்மட் தோன்றி 40 ஆண்டுகள் கழித்து, தனிநபர் ஒருவர் இரட்டைச்சதம் அடித்திருக்கிறார். நீண்ட காத்திருப்பு. நெடுநாள் பேசும் சாதனை. அதைப் படைத்தபோது சச்சின் வயது 36. கிரிக்கெட்டில் 20 ஆண்டுக் கால அனுபவம். கிட்டத்தட்ட இது ஓய்வை நெருங்கும் தருணம். இத்தருணத்தில் ஒரு உலக சாதனையா? ஆஃப் சைட், லெக் சைட் மட்டுமே தெரிந்த ரசிகனில் இருந்து, கிரிக்கெட்டை அக்குவேறு, ஆணி வேறாகப் பிரித்து மேயும் ஹர்ஷா போக்ளே வரை ஓஹோவெனப் புகழ்ந்தனர்.

பர்னல் வீசிய 46-வது ஓவரில் ‘ஷார்ட் ஃபைன் லெக்’ திசையில் ஒரு ‘ப்ளிக்’. அணிக்குக் கிடைத்தது இரண்டு ரன்கள். சச்சின் 195 நாட் அவுட். அரங்கம் ஆர்ப்பரித்தது. பாகிஸ்தானின் சயீத் அன்வர், ஜிம்பாப்வேயின் சார்லஸ் கோவன்ட்ரி இருவரும் சச்சினுக்கு வழி விட்டு நின்றனர். ‘ஒருநாள் கிரிக்கெட்டில் அதிக ரன்கள் அடித்த முதல் வீரர்’ – வர்ணனையாளர்கள் அலறினர். தென் ஆப்ரிக்க விக்கெட் கீப்பர் மார்க் பெளச்சர், வேகமாக வந்து சச்சினுக்கு கைகுலுக்கி வாழ்த்து தெரிவிக்கிறார். பொதுவாக பேட் கையில் இருக்கும்போது பெரிதாக உணர்ச்சிகளை வெளிக்காட்டாத சச்சின் இந்தமுறையும் ஆர்ப்பரிக்கவில்லை. அவருக்குத் தெரியும். இதோ இன்னொரு மைல்கல். அதுவும் மிக அருகில்.

திக் திக் திக் நிமிடங்கள்
சச்சின் சதத்தை நெருங்கினாலே அவரது ரசிகனுக்கு உள்ளூற உதறும். இரட்டைச் சதத்தை நெருங்குகிறார். அதுவும் முதன்முறையாக… சொல்லவா வேண்டும்? 200 அடித்தால் உலக சாதனை. அடிப்பாரா? அடித்து விடுவார். இன்னும் முழுமையாக நான்கு ஓவர்கள் இருக்கின்றன. ஒருவேளை, 99 ரன்களில் அவுட்டாவது போல 199 ரன்களில் அவுட்டாகி விட்டால்? குழப்பம். அந்தத் தருணத்தில் எதிர்முனையில் இருந்த தோனி, விட்டு விளாசி, டென்ஷனை குறைக்கிறார். ஓகே. ரிலாக்சாக இருந்தால் ஈஸியாக அடித்து விடலாம். 49-வது ஓவர். ஸ்டெயின் வீசிய அந்த ஓவரில் இரண்டு சிக்ஸர், ஒரு பவுண்டரி. அடித்தது தோனி. பரவாயில்லை. இன்னும் ஒரு ஓவர் இருக்கிறது. இரண்டு பந்து கிடைத்தாலே போதும். அச்சோடா… கடைசி பந்தில் தோனி ரன் எடுத்து விட்டார்… அடேய்…

கடைசி ஓவர்… லெங்லெவ்டட் வீசிய முதல் பந்தில் சிக்ஸர். ‘டேய்… போதும்டா… சச்சினுக்கு ஸ்ட்ரைக் கொடு’ – இங்கிருந்து கத்தினான் ரசிகன். அடுத்த பந்தில் சிங்கிள். ஸ்ட்ரைக்கர் எண்டில் சச்சின். அதுவும் 199 ரன்களில்… கிரிக்கெட்டில் இதை விட டென்ஷனான தருணம் வேறு இருக்கிறதா என்ன? பாயின்ட் திசையில் சிங்கிள். அப்பாடா… 200. வழக்கம்போல ஹெல்மெட்டைக் கழற்றி அமரரான தந்தைக்கு அர்ப்பணம் செய்து, முதல் இரட்டைசதத்தைக் கொண்டாடினார் சச்சின். மைதானத்தில், டிவியில் இதைப் பார்த்துக் கொண்டிருந்தவர்களில் கண்களில் திரைகட்டியது நீர். மனதில் நிம்மதி.

சச்சின் 200

என்னென்ன வார்த்தைகளில் புகழ வேண்டுமோ அத்தனை வார்த்தைகளிலும் புகழாரம். ‘Endulkar’ என தலைப்பிட்ட பத்திரிகை ‛IMMORTAL AT 200’ என உச்சிமுகர்ந்தது. வரிசைகட்டி நின்றன வாழ்த்துகள். ‘‘சாதனைகள் முறியடிக்கப்படுவதற்கே. யாரோ ஒருவர் (சார்லஸ் கோவன்ட்ரி) என் சாதனையை ‘பிரேக்’ செய்ததாகக் கேள்விப்பட்டேன். அவர் யாரென்றே தெரியாது. தற்போது மும்பையைச் சேர்ந்த என் நண்பன் முறியடித்திருப்பது மகிழ்ச்சி’’ என்றார் சயீத் அன்வர். ‘‘ஜிம்பாப்வே – வங்கதேசம் மோதலுக்கும், இந்தியா – தென் ஆப்ரிக்கா மோதலுக்கும் ரொம்பவே வித்தியாசம் இருக்கிறது. சில நாள்கள் அந்த சாதனையில் இருந்ததில் மகிழ்ச்சி. 200 ரன்கள் என்ற இமாலய சாதனைக்கு சச்சினை விட தகுதியானவர் வேறு யாருமில்லை’’ என்றார் கோவன்ட்ரி.

ஒருவகையில் கோவன்ட்ரி சொல்வது அத்தனை உண்மை. 20-20 ஆதிக்கம் பெறத் தொடங்கிய காலம். ஒண்டே மேட்ச்சில் 200 என்பது அசாதாரணம் இல்லை. சச்சின் அதை வலுவான தென் ஆப்ரிக்க அணியிடம் அடித்ததுதான் விஷயம். ‘பேட்டிங் பவர்பிளே’ எடுத்த 35-வது ஓவரில் ஸ்டெய்ன், சச்சினை அவுட்டாக்க எல்லா வழிகளிலும் முயற்சித்தார். ‘யார்க்கர்’ வீச முயல, அது ‘ஃபுல் டாஸ்’ ஆக, அதை சச்சின் ‘ஸ்கொயர் லெக்’ திசையில் பவுண்டரி அடித்தார். அடுத்த இரண்டு பந்துகளில் ரன் இல்லை. ஐந்தாவது பந்தில் ‘மிட் விக்கெட்’ – ‘ஸ்கொயர் லெக்‘ இடையே ஒரு ‘ஃப்ளிக்’. பந்து பவுண்டரிக்குச் செல்ல, ஸ்டெய்ன் தோள்களைச் சிலுப்பி, விரக்தியில் தலையை அசைப்பதைத் தவிர வேறு வழியில்லை.

சச்சின் 200

காலிஸ் பந்துவீசும் முன் ஸ்லிப்பில் இருந்தவர்களை எல்லாம், 15 யார்டு வட்டத்துக்குள் கேட்ச் பிடிக்கும் பொசிஷனில் நிறுத்தினார். தென் ஆப்ரிக்கா ஃபீல்டிங் பற்றி சொல்லவா வேண்டும்? பட்டினி கிடக்கும் நாய் எலும்பைக் கவ்வுவது போல பாய்வார்கள் தென் ஆப்ரிக்க ஃபீல்டர்கள். அடுத்தடுத்து அதே லெங்த்தில், அதே திசையில் போட்டால்  எப்படியும் சச்சின் சிக்குவார் என்பது காலிஸ் கணிப்பு. அனுபவம். ஆனால், சச்சின் தன் ‘ட்ரைவ்’-களால், தென் ஆப்ரிக்க ஃபீல்டர்களை ஓட விட்டுக் கொண்டே இருந்தார். சந்தித்த 147 பந்துகளில் எதிரணிக்கு ஒரு ‘சான்ஸ்’ கூட கொடுக்கவில்லை. ஒவ்வொரு பந்தையும் அவ்வளவு கவனமாக எதிர்கொண்டார். ஒவ்வொரு ரன்னையும் அவ்வளவு நுணுக்கமாக எடுத்தார். 111 ரன்கள் எடுத்தபின்புதான், ‘லாங் ஆன்’- ல் ஒரு சிக்ஸர்  பறக்க விட்டார். இன்னும் ஏராளம் இருக்கிறது அந்த இன்னிங்ஸ் பற்றிச் சொல்ல.

சச்சினுக்குப் பின், சேவாக், ரோகித் சர்மா (இரண்டுமுறை), கிறிஸ் கெய்ல், மார்ட்டின் குப்டில் இரட்டைச்சதம் அடித்து விட்டனர். T-20 ஆதிக்கம் செலுத்தும் இந்தக் காலத்தில் இனி, ஒண்டே ஃபார்மட்டில் டபுள் செஞ்சுரி என்பது சாதாரணம். யார் வேண்டுமானாலும் எளிதாக அடிக்கலாம். ஆனால், அதற்கான விதை சச்சின்தூவியது.

நன்றி – விகடன்

முட்டை பற்றிய 7 உண்மைகள்

ஹாஃப்பாயில்

ஹாஃப்பாயில் உடலுக்கு நல்லதுதானா?’,அதிலும், ‘வேகவைக்காத பச்சை முட்டையைச் சாப்பிடலாமா… கூடாதா?’, ‘வேகவைக்காத, அரைவேக்காடான முட்டைகளைத் தொடர்ந்து சாப்பிட்டால், செரிமானக் கோளாறு, வயிற்றுவலி எல்லாம் வரும்’ என்று சிலர் கூறக் கேட்டிருப்போம். முட்டை குறித்த எட்டு உண்மைகளைத் தெரிந்துகொண்டாலே, இந்தச் சந்தேகங்கள் எல்லாம் பறந்தோடிவிடும். அவை…

* முட்டையை வேகவைப்பதால், அதிலுள்ள உடலுக்குத் தேவையான செலினியம், ரிபோஃபிளேவின் உள்ளிட்ட சத்துக்கள் குறைந்துவிடும், எனவே, அரைவேக்காடான ஹாஃப் பாயில் முட்டைகள் சாப்பிடலாம் என நினைப்பது தவறு. ஹாஃப் பாயிலில், முட்டை முழுமையாக வேகாததால், அதில் உள்ள பாக்டீரியாக்கள் முழுமையாக அழிக்கப்பட்டிருக்காது.. இது குழந்தைகள், கர்ப்பிணிகள், முதியோருக்கு உகந்ததல்ல. வேகவைக்கும்போது, சத்துக்களின் அளவு குறைந்தாலும், நோய்ப் பாதுகாப்பு மிகவும் முக்கியம். வெரைட்டியை விரும்புபவர்கள் ஹாஃப் பாயிலுக்கு பதிலாக மிளகு, வெங்காயம் சேர்க்கப்பட்ட ஆம்லெட் சாப்பிடலாம்.

 

* பச்சை முட்டையில் கிடைக்கும் சத்துக்களை முழுமையாகப் பெற சிறந்த வழி, வேகவைத்த முட்டையின் வெள்ளைக்கருவை அதிகமாகச் சாப்பிடுதல். மஞ்சள்கருவில் கொலஸ்ட்ரால் அதிகமாக இருப்பதால், இதய நோயாளிகள், உடல்பருமனானவர்கள் தவிர்ப்பது நல்லது.

* இருபதாயிரம் முட்டைகளில் ஒரு முட்டையில் `சல்மோனில்லா’ (Salmonella) எனும் பாக்டீரியா இருக்க வாய்ப்புள்ளது. இந்த பாக்டீரியா உள்ள முட்டையைச் சாப்பிட்டால் வாந்தி, உடலில் நீர் வறட்சி, கடுமையான வயிற்றுப்போக்கு ஏற்படும். ஏழு நாட்கள் வரை காய்ச்சல் இருக்கும்.

* சல்மோனில்லா பாக்டீரியா தாக்குதல் தீவிரமடைந்து அமெரிக்காவில், வருடத்துக்கு சராசரியாக 360 பேர் மரணமடைகின்றனர். சிறுவர்கள், இளைஞர்கள் ஆகியோருக்கு எதிர்ப்பு சக்தி அதிகமாக இருப்பதால், இந்தக் காய்ச்சலின் வீரியம் குறைகிறது. பச்சை முட்டை சாப்பிடுவதால் பரவும் இந்தக் காய்ச்சலால், எதிர்ப்பு சக்தி குறைந்த முதியோர்களே அதிகம் பாதிப்புக்குள்ளாகிறார்கள். எனவே, பச்சை முட்டையை, 50 வயதுக்கு மேற்பட்டவர்கள் கட்டாயம் தவிர்க்க வேண்டும்.

 

  • ஜிம்மில் உடற்பயிற்சி செய்பவர்கள், தசை வளர்ச்சிக்காக, காலையில் வெறும் வயிற்றில் முட்டையைச் சாப்பிடுவது உண்டு. பல மாதங்களாகத் தொடர்ந்து பச்சை முட்டை  சாப்பிடுபவர்களுக்கு, பயோடின் (Biotin), வைட்டமின் பற்றாக்குறை ஏற்படுகிறது. முட்டையை பச்சையாகச் சாப்பிடும்போது (குடிக்கும்போது), முட்டையின் வெள்ளைக்கருவில் உள்ள அவிடின் (Avidin) என்னும் புரதம், பயோடின் வைட்டமினை உடல் ஈர்க்கவிடாமல் தடுக்கும். இதனால், உடலில் பயோடின் வைட்டமின் குறைபாடு ஏற்படும். இதன் காரணமாக, நரம்பு சம்பந்தப்பட்ட நோய்கள், சரும ஒவ்வாமை, முடிகொட்டும் பிரச்னை ஏற்படும். ஜிம் பயிற்சி செய்பவர்கள், ஆணழகன் போட்டியில் கலந்துகொள்பவர்கள் தசை வளர்ச்சிக்காக, கட்டாயம் பச்சை முட்டை சாப்பிடுவதற்கு முன் மருத்துவரிடம் ஆலோசனை பெறுவது நல்லது.

* மேலை நாடுகளில் பச்சை முட்டை ரெசிபிக்கள் அதிகம். எக் ஃபிலிப் (Egg flip), எக் நாக் (Egg nog), ஃபிரெஞ்ச் டோஸ்ட் (French toast), சாஃப்ட் கஸ்டார்ட் (Soft custards), மொஸ்ஸி (Mousse), மயோன்னைஸ் (Mayonnaise), ட்ராமிசு (Tiramisu), ஹொலாண்டைஸ் சாஸ் (Hollandaise sauce), கேக், ஐஸ் க்ரீம்கள் ஆகிய பிரபல ரெசிபிக்களில், மேலை நாட்டவர்கள் பச்சை முட்டையைச் சேர்ப்பார்கள். இந்தியப் பெருநகர ஸ்டார் ஹோட்டல்களிலும் இப்போது இந்த உணவுகள் பிரபலமடைந்துவிட்டன. ஆனால், இவ்வாறு பச்சை முட்டை சேர்க்கப்பட்ட உணவுகள், குழந்தைகள், 10 வயதுக்குட்பட்ட சிறுவர்கள், கர்ப்பிணிப் பெண்களுக்கு உகந்ததல்ல.

 

* ஒரு முட்டையில் சராசரியாக 7 கிராம் புரதம், 5 கிராம் கொழுப்பு, 75 கலோரிகள், 185 மில்லிகிராம் கொலஸ்ட்ரால், 70 மில்லிகிராம் சோடியம், 67 மில்லிகிராம் பொட்டாசியம் உள்ளன. தவிர, வைட்டமின் ஏ, டி, பி காம்ப்ளெக்ஸ் ஆகியவை அடங்கியுள்ளன. உடலில் நோய் எதிர்ப்பு சக்தியை அதிகரிக்கும் லுடீன் (Lutein), சியாக்சன்தீன் (Zeaxanthin) ஊட்டச்சத்துக்கள் நிறைந்துள்ளன. உடலுக்குத் தேவையான ஏழு அமினோ அமிலங்களும் முட்டையில் மட்டுமே நிறைவாக இருக்கின்றன.

எனவே, முட்டையை அவித்தோ, மிளகு சேர்த்த ஆம்லேட்டாகவோ, வயதைக் கருத்தில் கொண்டு பச்சையாகவோ தேவைக்கேற்ப சாப்பிடுவோம். ஆரோக்கியம் காப்போம்!

குழந்தைகளுக்காக ஒரு ஹெல்ப்லைன்!

H FOR HELPLINE

யல் 1098…

‘‘ஆன்ட்டி, என் ஃப்ரெண்ட் ரோஹித் பரீட்சையில் மார்க் கம்மியா வாங்கிட்டான். வாழவே பிடிக்கலைனு தப்புத்தப்பாப் பேசிட்டு இருக்கான். எனக்கு என்ன பண்றதுனே தெரியலை. நான் என்ன பண்றது?”

“சார், என் அக்கா டென்த் படிக்கிறா. வீட்டுல  கட்டாயப்படுத்தி, அவளுக்கு கல்யாணம் பண்ணி வைக்கப்போறாங்க. என் அக்காவைக் காப்பாத்த ஹெல்ப் பண்ணுங்க ப்ளீஸ்!’’

“ஹலோ, என் பாட்டி திடீர்னு மயக்கம் போட்டு விழுந்துட்டாங்க. வீட்டில் நான் மட்டும்தான் இருக்கேன். எதிர் ஃப்ளாட்டிலும் யாரும் இல்லை. ஹெல்ப் பண்ண முடியுமா?’’

“ஹலோ அங்கிள், என் ஃப்ரெண்டை அவங்க வீட்டில் எப்பவும் அடிச்சுக்கிட்டே இருக்காங்க. அவன் ரொம்ப கஷ்டப்படறான்.’’

‘இப்படி ஒவ்வொரு நாளும், நூற்றுக்கணக்கில் அழைப்புகள் வருகின்றன. உடனடியாக நடவடிக்கை எடுக்கிறோம். சைல்டு ஹெல்ப்லைன் பற்றிய விழிப்புஉணர்வு குழந்தைகளிடம் அதிகரித்துள்ளது’ என்கிறது சைல்டுலைன் இந்தியா அமைப்பு. யார் இவர்கள்? இவர்களால் நமக்கு என்ன பயன்?

குழந்தைகளுக்கு ஏற்படும் பிரச்னைகளை உடனடியாகத் தீர்ப்பதற்காக 1996-ம் ஆண்டு, குழந்தைகள் மேம்பாட்டுத் துறையின் உதவியுடன் ஜெரூ பில்லிமோரியா (Jeroo Billimoria) என்பவரால், ஒரு ஹெல்ப்லைன் மும்பையில் தொடங்கப்பட்டது. பின்னர், மத்திய அரசின் தொழில்நுட்பத் துறையும் தன்னார்வத் தொண்டு நிறுவனங்கள் மற்றும் கல்வி நிலையங்கள் பலவும் ஒன்றிணைந்து ‘சைல்டுலைன் இந்தியா ஃபவுண்டேஷன்’ (Childline India Foundation) என்ற அமைப்பை உருவாக்கி, இந்தியா முழுவதும்  விரிவுபடுத்தினார்கள். ஹெல்ப்லைன் எனப்படும் பத்து, ஒன்பது, எட்டு (1098) என்ற இந்த இலவச அழைப்பில் நமது பிரச்னைகளைச் சொல்லலாம்.

24 மணி நேரமும் இயங்கும் இந்த அழைப்பைத் தொடர்புகொண்டால், ஒரு ஆன்ட்டியோ, அங்கிளோ பேசுவார்கள். நீங்கள் சொல்லும் பிரச்னையை பொறுமையாகக் கேட்பார்கள். போனிலேயே தீர்க்கும் பிரச்னையாக இருந்தால், தகுந்த ஆலோசனையைச் சொல்வார்கள். உதாரணமாக, ‘ஸ்கூலுக்குப் போகவே பிடிக்கலை’ என்று சொன்னால், காரணம் கேட்பார்கள். பாடங்கள் கடினமாக இருக்கிறது, நடத்துவது புரியவில்லை என்றால், ஆலோசனை சொல்லி உங்கள் பயத்தைப் போக்குவார்கள். அதுவே, பள்ளிக்குச் செல்லும் வழியில் யாராவது உங்களை தொந்தரவு செய்வதாக இருந்தால், நேரில் வந்து நடவடிக்கை எடுப்பார்கள்.

வீட்டில் தனியாக இருக்கும்போது திடீரென தேவைப்படும் உதவி, உங்கள் தோழன் அல்லது தோழிக்கு தொடர்ந்து ஏற்படும் பிரச்னை, பேட் டச் எனப்படும் உடல்ரீதியாகத் தொட்டு சீண்டுவது, குழந்தைத் தொழிலாளியாக நடத்தப்படுவது, கடத்தப்படும் குழந்தைகள், தற்கொலை எண்ணம் ஏற்படுவது, ஆதரவற்ற தெருவோரக் குழந்தைகள், கோபத்தில் வீட்டைவிட்டு வெளியே வந்து உதவிக்குத் தவிப்பது, மனநலம் குன்றிய குழந்தைகள் என 18  வயதுக்கு உட்பட்டவர்களின் பலவிதமான பிரச்னைகளுக்கு 1098 எண்ணில் தொடர்புகொள்ளலாம்.

1098 என்கிற இந்த ஹெல்ப்லைன் மூலம் தொடர்புகொண்ட ஒரு மணி நேரத்துக்குள் உங்களுக்குத் தேவைப்படும் நேரடி உதவி கிடைத்துவிடும். இந்தியாவில் உள்ள எந்த ஊரில் இருந்தும் எந்த போனில் இருந்தும் அழைக்கலாம். தொடர்புகொள்வதற்கு தொலைபேசி கட்டணம் தேவை இல்லை.

தற்போது, இந்தியா முழுவதும் 372 இடங்களில் சைல்டுலைன் அமைப்பின் மையங்கள் உள்ளன.  மார்ச் 2015 வரையில் 36 மில்லியன் அழைப்புகள் வந்துள்ளன. 30 மில்லியன் குழந்தைகளுக்கு நேரடியாக உதவி இருக்கிறார்கள் இந்த அமைப்பினர்.

ஆகவே நண்பர்களே, உங்களுக்கு ஏற்படும் பிரச்னைகள் எதுவாக இருந்தாலும் உடனடியாக பெற்றோர் அல்லது பெரியவர்களிடம்  தெரியப்படுத்துங்கள். அவர்களிடம் உதவி பெற முடியாத சூழ்நிலை என்றால், தாமதிக்காமல் 1098 ஹெல்ப்லைனுக்குத் தொடர்புகொள்ளுங்கள்.

மின்சாரம் உயர்த்தியது 65 சதவிகிதம்… குறைத்தது 10 சதவிகிதம்!

100 யூனிட் இலவச மின்சாரம்

‘‘மின்சாரம் அனைவருக்கும் மிகவும் அத்தியாவசியமான ஒன்று என்பதால், தற்போதைய கணக்கீட்டு முறைப்படி 100 யூனிட் மின்சாரம், கட்டணம் ஏதுமில்லாமல் வீடுகளுக்கு வழங்கப்படும். இதன்மூலம் அனைவரும் பயனடைவதுடன், தற்போது 100 யூனிட் வரை பயன்படுத்தும் 78 லட்சம் மின் உபயோகிப்பாளர்கள் மின்கட்டணம் எதுவும் செலுத்த வேண்டியது இல்லை’’ – அ.தி.மு.க தேர்தல் அறிக்கையில் இடம்பெற்றிருந்த வாக்குறுதி இது.

2016 சட்டமன்றத் தேர்தலில் வெற்றி பெற்று, மே 23-ம் தேதி, முதலமைச்சராகப் பொறுப்பேற்றுக் கொண்ட ஜெயலலிதா, தன்னுடைய முதல் கையெழுத்தில் இந்த வாக்குறுதியை நிறைவேற்றி உத்தரவிட்டார். இந்த உத்தரவு அனைத்து வீடுகளுக்கும் பொருந்துமா அல்லது 100 யூனிட் மின்சாரத்தை மட்டும் பயன்படுத்தும் 78 லட்சம் குடும்பங்களுக்கு மட்டும் உதவுமா என்பதில் பெரும் குழப்பம் நீடித்தது. பொதுமக்களுக்கு மட்டுமல்ல… மின்வாரிய அதிகாரிகளுக்கும் குழப்பம் இருந்தது.

மேலிடத்துக்கு இந்த விவகாரம் கொண்டு செல்லப்பட்டதும், ‘அ.தி.மு.க தேர்தல் அறிக்கையில் என்ன சொல்லப்பட்டுள்ளதோ… அதற்கேற்றவாறு திட்டத்தை உருவாக்குங்கள்’ என்று உத்தரவு வந்தது. அதன்பிறகுதான், தற்போது வழக்கத்தில் உள்ள மின்கட்டண கணக்கீட்டில் சில மாற்றங்களைச் செய்து, புதிய மின்கட்டணத்தை அறிவித்தனர்.

100 யூனிட் இலவசமா?

புதிய கட்டண அறிவிப்பின்படி, 100 யூனிட் மின்சாரம் இலவசமாக்கப்படவில்லை. மாறாக, 100 யூனிட் மின்சாரத்துக்கான கட்டணம் தள்ளுபடி செய்யப்படுகிறது. இன்னும் விளக்கமாகச் சொன்னால், ஒரு நுகர்வோர் 550 யூனிட் மின்சாரத்தைப் பயன்படுத்தினால், அவருக்கு 100 யூனிட்டைக் கழித்துவிட்டு மீதமுள்ள 450 யூனிட்டுக்கு கட்டணம் வசூல் செய்யப்படும் என்பது தவறு. மாறாக, 550 யூனிட் மின்சாரத்துக்கான விலையை, பழைய மின்கட்டண அடிப்படையில் கணக்கிட்டு, அதில் 100 யூனிட்டுக்கான கட்டணத்தைக் கழித்து, மீதமுள்ள 450 யூனிட்டுக்கான கட்டணத்தை வசூலிப்பார்கள்.

இரண்டும் ஒன்றல்ல…

100 யூனிட்டை இலவசமாகக் கொடுப்பதும், 100 யூனிட்டுக்கான கட்டணத்தை மட்டும் கழித்துக்கொள்வதும் ஒன்றல்ல… இரண்டுக்கும் நிறைய வேறுபாடு இருக்கிறது.

உதாரணம்…

550 யூனிட் மின்சாரம் பயன்படுத்தும் ஒருவருக்கு 100 யூனிட் மின்சாரம் இலவசம் என்றால், அவர் 450 யூனிட்டுக்கு மட்டும் கட்டணம் செலுத்த வேண்டும்.

ஆனால், தற்போது அரசாங்கம் வெளியிட்டுள்ள கட்டணப் பட்டியலில் 2110 ரூபாய் கட்டணம் என்று நிர்ணயம் செய்யப்பட்டுள்ளது. அது எப்படி? 550 யூனிட் மின்சாரத்தைப் பயன்படுத்தும் ஒருவருக்கு, பழைய விலையின்படி 550 யூனிட்களுக்கு கட்டணத்தைக் கணக்கீடு செய்கின்றனர். அதன்படி,  இதில் முதல் 100 யூனிட்களுக்கான கட்டணம் 350 ரூபாய் கழிக்கப்படுகிறது. அப்படிக் கழித்தால், 2,060 ரூபாய் வரும். அதோடு மீட்டர் சார்ஜ் 50 ரூபாய் சேர்த்து, 2,110 ரூபாய் இனி வசூலிக்கப்படும். ஆக, அரசாங்கம் பொதுமக்களுக்குக் கொடுத்துள்ள சலுகை என்பது 100 யூனிட் மின்சாரம் இலவசம் அல்ல… 100 யூனிட் மின்சாரத்துக்கான கட்டணம் இலவசம்.

எப்போது நடைமுறைக்கு வருகிறது?

முதலமைச்சர் ஜெயலலிதா இந்தக் கோப்பில் மே 23-ம் தேதி கையெழுத்திட்டார். அன்றைய தேதியிட்டு அரசாணை வெளியிடப்பட்டுள்ளது. எனவே, இந்தத் திட்டம் அன்றில் இருந்தே நடைமுறைக்கு வருகிறது. ஆனால், இந்தக் கணக்கீட்டுக்குத் தற்போது மின்வாரியத்திடம் உள்ள சாப்ஃட்வேரில் மாற்றங்கள் செய்யப்படவில்லை. அதனால், ஒரு நுகர்வோர் ஒரு நாளைக்கு சராசரியாக எவ்வளவு யூனிட் மின்சாரத்தைப் பயன்படுத்தி உள்ளார் என்பதைக் கணக்கிட்டு, 23-ம் தேதியில் இருந்து மொத்தம் 9 நாட்களுக்கான மின்கட்டணத்தில் விலை குறைப்பு செய்யப்படும். ஆனால், இந்த மாற்றங்களைச் செய்வதற்கான சாப்ஃட்வேர் இன்னும் தயாராகவில்லை. அதனால், இந்த மாதம் கடும் குளறுபடிகள் இருக்கும். அடுத்த ஜூன் மாதத்தில் இருந்து எடுக்கப்படும் கணக்கீட்டில்தான் முழுப்பலனை பொதுமக்கள் அடைய முடியும்.

உயர்த்தியது 65 சதவிகிதம்…
குறைத்தது 10 சதவிகிதம்!

தமிழ்நாடு மின் ஊழியர் மத்திய அமைப்புத் தலைவர் விஜயனிடம் இதுபற்றிப் பேசினோம். “2011-ல் அ.தி.மு.க ஆட்சிக்கு வந்தபோது ஒரு யூனிட் மின்சாரம் 65 காசுகள். அந்தக் கட்டணம் கடந்த ஆட்சியில் இரண்டு முறை உயர்த்தப்பட்டு, ஒரு யூனிட் மின்சாரம் 120 காசுகளானது. முதல்முறை மின்கட்டணத்தை உயர்த்தியபோது, அதற்குப் பொறுப்பேற்றுக்கொண்ட அன்றைய அ.தி.மு.க அரசு, இரண்டாவது முறை கட்டணத்தை உயர்த்தியபோது, மின்சார ஒழுங்குமுறை ஆணையத்தைக் குற்றம்சாட்டியது. மின்சார ஒழுங்குமுறை ஆணையத்தின் முடிவில் தமிழக அரசு தலையிட முடியாது என்று முதலமைச்சர் ஜெயலலிதா அறிவித்தார். இப்படி தொடர்ந்து மின்கட்டணம் உயர்த்தப்பட்டதால், பொதுமக்கள் கடுமையாகப் பாதிக்கப்பட்டனர்.

அதையடுத்து, அந்த மின்கட்டண உயர்வினை நிறுத்திவைக்க வேண்டும் என்று சென்னை உயர் நீதிமன்றத்தில் மார்க்சிஸ்ட் கம்யூனிஸ்ட் கட்சி சார்பில் வழக்குத் தொடுக்கப்பட்டது. அந்த வழக்கு இன்னும் நிலுவையில் உள்ளது. கடந்த அ.தி.மு.க ஆட்சிக்காலத்தில் மொத்தமாக 16 ஆயிரம் கோடி ரூபாய், அதாவது 65 சதவிகிதம் மின்கட்டணத்தை உயர்த்திவிட்டு, தற்போது அதில் 10 சதவிகிதத்தைக் குறைத்துள்ளது. மக்கள் தலையில் மின்கட்டணச் சுமையை ஏற்றியவர்களே, சுமையின் பளு அறிந்து அதைக் கொஞ்சம் குறைத்துள்ளார்கள். ஆனால், ஆட்சியில் உள்ள இந்த 5 ஆண்டுகளில் மீண்டும் மின்கட்டணம் உயர்த்தப்படாது என்பதற்கு எந்த உத்தரவாதமும் இல்லை’’ என்றார்.

மின்கட்டண வித்தையா… கண்கட்டு வித்தையா?

நன்றி  – ஜூனியர் விகடன்