7 things North Indians should know about Tamils

The North Indian media holds some strong prejudices about Tamil society. It has no real insight into the Tamil psyche, but always exults in its ignorance, unwilling to learn, but quick to pass its flawed judgments on every issue concerning the Tamils.


Be it the political, social or cultural preference of Tamils, the majority sentiment is rarely reflected by the North Indian media.

Not all Tamils are diehard fans of Rajinikanth, mind it! (Photo: Indian Photo Agency)

Here are 7 things listed by one of those suppressed Tamil voices you will never get to hear from the studios of Times Now, NDTV, or CNN IBN.

#1

Not all Tamils are great fans of Carnatic music. Neither do we eagerly await the margazhi season to queue up to the sabhas in Mylapore to hear Sudha Raghunathan or Bombay Jayashri.

M S Subbulakshmi’s voice on television does not stop us from channel surfing. We would rather hear a gaana song than waste our time on her.

#2 

N Ram, Cho Ramasamy and Subramanian Swamy are not the only ‘experts’ on Sri Lanka. There are others who could speak sensibly on the subject, but yes, their views may not be what you want to hear.

#3 

Drop this idea that all of us wake up to a hot cup of filter coffee or kaapi, as you guys have started calling it. Many prefer tea, and down south there are still some who vouch for karuppatti kaapi or (palm jaggery coffee).

#4

Not all of us are Rajinikanth fans. Some of us don’t even watch his movies, leave alone bringing our cities to a standstill to welcome the release of a Rajinikanth movie. You need to plan a better story next time a Rajini film releases.

#5 

On food, come on guys, you need to really grow up. We do not eat just idli, sambar, dosa and vadai. We love our thalappakatti biryani, velu military hotel, and karaikudi chettinad restaurants. Next time you visit us, try one of these restaurants and don’t look for a Saravana Bhavan.

#6 

For God’s sake don’t assume all of us know Hindi and carry views of Hindi speaking politicians without English sub-titles if you call yourself an English channel.

Especially when you are covering matters relating to Tamil Nadu, like say, the current hot topic relating to the release of the Rajiv assassination case convicts. Hardly 3 percent of the population understands Hindi in Tamil Nadu.

#7 

Sri Lanka is a separate country and Tamil Nadu is part of India. So next time the Sri Lankan navy detains our fishermen, don’t rush to Colombo and faithfully reproduce its version of the incident.

Try to understand the root of the problem, learn about the history of Katchatheevu, and find out how you could be of some help to the beleaguered fishermen.

 

Thanks – The weekend leader

Advertisements

மரண தண்டனை ஒழிப்பு ! திசை மாறும் காற்று?

Image

தீவிரவாதச் செயலா இல்லையா ?

மாநில அரசின் அதிகாரமா ? இல்லையா ? 
நான்கு பேருக்குப் பதில் ஏழு பேரை விடுவித்தது தவறா ?
அரசியலா இல்லை ராஜதந்திரமா ?
ஆயுள் தண்டனை என்பது ஆயுள் முழுமைக்குமா இல்லை 14 வருடங்களா?
அப்சல் குருவுக்கு ஒரு நியாயம் , தமிழனுக்கோர் நியாயமா ?
3 நாள் அவகாசம்  சரியா தவறா ?
ராஜீவ் கொலைக்கு நீதி செய்யப்பட்டிருக்கிறதா இல்லையா ?
23 வருடங்கள் கொடுந்தண்டனை அனுபவித்திருக்கிறார்களே போதாதா ?
எல்லாத் தமிழர்களும் ராஜீவ் கொலையாளிகளுக்கு ஆதரவா ? 
24 மணிநேரத்தில் விடுவிக்க முயற்சிப்பது ஒட்டுமொத்த இந்திய மக்களையும் காயப்படுத்தும் செயலா ?
கேள்விகளாலும் , விவாதங்களாலும் -சுடுமணலும் , கூர்ப்பாறைகளாலும் முட்கள்ளிகளாலும் நிரம்பிய பாலை போல கொதித்துக் கிடக்கிறது பொதுவெளி !மரண தண்டனை ஒழிப்பென்னும் காற்றைத்தான் காணவில்லை. 
 
ராஜீவைத் தன் தலைவனாக , கவர்ந்திழுக்கும் அவரின் ஈர்ப்புசக்திக்கு உட்பட்டுத் தொண்டர்களாய் வாழ்ந்த தமிழர்கள் உண்டு, அவரின் சிங்களத் தமிழ் கொள்கைகளைத்  தவறென்றும் , சரியென்றும் வாதப் பிரதிவாதங்கள் முன்வைத்த தமிழர்கள் உண்டு . அவரின் தவறான முடிவுகளின் காரணமாகவே  இலங்கைத் தமிழர் வாழ்வு சீரழிந்தது என்று அவரை வெறுத்த தமிழர்களும் உண்டு , ஆனால் வன்முறையோ , எதிர் வன்முறையோ காரணம் சொல்லி , அவரின் கொலையைக் கொண்டாடிய தமிழர்கள் மிகக் குறைவே! மற்ற எல்லா இந்தியர்களையும் போல , ஒரு அரசியலும் தெரியாத  , தொடர் நிகழ்வுகளின் அறிவும் ,குற்றங்களும் அதற்க்கான பின்னணிக் காரணங்களும் அறியாத ஒவ்வொரு சாதாரணத் தமிழனும் அதிர்ச்சி அடைந்தது நிஜம் , அதன் காரணமாகவே தமிழகம் ஈழப் போராட்டத்துக்கான தன் ஆதரவுக் கரங்களைச் சுருக்கிக் கொள்ள ஆரம்பித்ததும் நிஜம் . இப்போதும் தமிழர்களின் பெருவாரி மனோநிலை எவ்வகையான jingoism மும் இல்லாதிருப்பதே என்றெண்ணுகிறேன் .
மிகச் சிறுபான்மையான இன்னும்  ஒரு கூட்டத்தின் மனநிலை பற்றி எண்ணிப் பார்க்கிறேன் . இந்தக் கூட்டத்தில் ,எந்தச்  சார்பும் இல்லாமல் மனிதமும் , மனிதநேயமும் கொண்ட , இரட்டை நிலைப்பாடுகள் இல்லாத பல நல்ல மனங்கள் ஈழப் போராட்டத்தின்போது தமிழர்கள் அரச வன்முறைக்கு உட்பட்டபோதும் , தமிழீழப் போராளிக் குழுக்கள் தமக்குள் அழித்தொழிப்பில் ஈடுபட்டபோதும் , தமிழீழ விடுதலைப் புலிகள் தமிழ்க் குழந்தைகளைக் கட்டாய இராணுவ ஆளெடுப்பில் பொடியன்களாக்கிய போதும் ,இந்திய அமைதிப்படை கட்டவிழ்த்து விட்ட வன்முறைகளின் போதும் , விடுதலைப் புலிகள் இலங்கை மண்ணிலும் , இந்திய மண்ணிலும் நிகழ்த்திய வன்முறைகளின் போதும் , ராஜீவ் மற்றும் அப்பாவிப் பொதுமக்கள் தமிழ்நாட்டிலேயே கொல்லப்பட்ட போதும், தமிழீழ அகதிகள் தமிழகத்திலும் , உலகமெங்கும் சிதறிச் சின்னாபின்னப் பட்டபோதும் , கடைசிகட்டப் போரில் , இலங்கை ராணுவம் நிகழ்த்திய ஈவு இரக்கமற்ற  இனப்படுகொலையின் போதும் , மக்களைத் தம் போரில் மனிதக் கேடயமாய்ப் பயன்படுத்திய போதும் , ராஜீவ் கொலைவழக்கின் நீதிவிசாரணையின் சருக்கல்களின்போதும்  எந்தச் சார்பும் இல்லாமல் வன்முறை எதிர்ப்பும் , மரண தண்டனை இந்தியாவில் ரத்து செய்யப்பட வேண்டும் என்ற நிலைப்பாடும் கொண்ட பல தமிழ் உள்ளங்கள் உண்டு . இன்று 23 வருடங்கள் தண்டனை அனுபவித்த பின்பு , மரண தண்டனை ஆயுள் தண்டனையாகக் குறைக்கப்படும்போது இந்த மனித நேயக் காவலர்கள் செய்ய வேண்டியது , இதனை ஒரு பெரு வெற்றியாகக் கொண்டாடாமல்  , யாருக்கு எதிராய்த்  தவறிழைக்கப்பட்டதோ , அவரின் குடும்பத்தாரின் வலிகளுக்கு , வேதனைகளுக்கு மதிப்பளித்து அமைதியாய் ஆர்ப்பாட்டங்கள் இல்லாமல் இந்தத் தீர்ப்பை எப்படி மற்ற காத்திருப்போருக்காகவும் பயன்படுத்துவது என்பது பற்றியும் , மரண தண்டனை ஒழிப்பை மேலும் முன்னெடுப்பது எப்படி என்பதுவும் தான், மரணதண்டனை ஒழிப்பு பற்றிய எந்த நிலைப்பாடும் இல்லாமல் இந்தத் தீர்ப்பை அரசியலாக்க முயற்சிக்கும் எல்லார் கைகளில் இருந்தும் இந்த மொத்த விஷயத்தையும் உருவி எடுத்து , நிர்பயா பாலியல் வன்முறை வழக்கின் குற்றவாளிகள் ஆனாலும் , மற்ற 402 முடிவெடுக்கப்படாத குற்றவாளிகளின் நிலையானாலும் , குற்றம் இழைக்கப்பட்ட குடும்பத்தின் , சமூகத்தின் வேதனைகளுக்கு உரிய மதிப்போடு , அவர்களையும் மன்னிப்பின்பால் மனம்மாற்றி , மரணதண்டனை விதிக்கப்பட்டவர்களின் மனதில் தான் செய்த குற்றத்தின்பால் கழிவிரக்கமும் , பச்சாதாபமும் , தவறுணர்ந்து தன்னைத் தான் திருத்துதலும் கொள்ள, பணியாற்ற முடியுமானால் ….பச்ச் … Idealism  என் கண்ணை மறைக்கிறது , ஆனால் இதைத் தவிர வேறு எந்த நிலைப்பாட்டையும் இவர்களுக்குப் பரிந்துரைக்க என்னால் முடியவில்லை! எல்லா வகையான jingoism த்தையும் மனது மறுதலிக்கிறது! குற்றம் புரியத் தூண்டிய விஷயம் , குற்றம் இழைக்கப்பட்டவனின் சுற்றத்தின் மனநிலை , குற்றம் இழைத்தவனின் மனமாற்றம் , நீடித்த தண்டனைக்காலங்களும் , தனிமைச் சிறையும்  தரும் மனப் பிறழ்வும் வேதனைகளும் என எல்லாருக்காகவும் கண்ணீர் சுரந்து பார்வையை மறைக்கிறது ! கண்ணீருக்கு நடுவில் ஒன்று மட்டும் புரிகிறது .JINGOISM IS NOT THE WAY ! A HEALING HAND TOUCHES BOTH THE VICTIMS AND THE PERPETRATORS CHEEKS WITH EQUAL AFFECTION AND FORGIVENESS.WHEN DO WE RISE AS HEALERS ????ITS A LONG WAY TO GO BEFORE WE INFLUENCE THE JINGOISTIC MINDS WITH OUR HEALING TOUCH. 
 
நன்றி – அலெக்ஸ் பால் மேனன்

புது ஒலி… முது மொழி!

”யுவனுக்கு நினைவிருக்க வாய்ப்பு இல்லை. இளையராஜா, ஒரு புது கார் வாங்கியிருந்தார். அதில் முதல் சவாரி சென்றோம். முன் இருக்கையில் நான். என் மடியில் யுவன். பின் இருக்கையில் இளையராஜாவும் அவரது துணைவியார் ஜீவாவும். அப்போது யுவன் மிகவும் சிறுவன். ஆனால், அதிக கனம். இவரின் கனத்தைத் தாங்க முடியாத நான், ‘உங்க பையனை நீங்களே வெச்சுக்குங்க’ என்பது போல யுவனை அப்படியே அள்ளி, பின் இருக்கையில் இருந்த ராஜாவிடம் தந்தேன். அன்று தந்த யுவனை இன்று திரும்பப் பெற்றுக்கொண்டேன்!” – வைரமுத்து சொல்வதைக் கேட்டு அதிர்ந்து சிரிக்கிறார்கள் யுவன் ஷங்கர் ராஜாவும் சீனுராமசாமியும். ‘இடம் பொருள் ஏவல்’ படத்தின் ஆச்சரியக் கூட்டணி அது!

‘பத்மபூஷண்’ பட்டம், வைரமுத்துவை அலங்கரித்த தினம் அது. மலர் மாலைகள், பூச்செண்டுகள், வாழ்த்து மழைக்கு நடுவே, பேட்டிக்கு அமர்ந்தார் வைரமுத்து.

இளையராஜா இசையில் வைரமுத்து பாட்டு எழுதி, 28 ஆண்டுகள் ஆகின்றன. இத்தனை நீண்ட இடைவெளிக்குப் பிறகு, இளையராஜாவின் மகன் யுவனுடன் இப்போது கை கோக்கிறார் வைரமுத்து. ‘இடம் பொருள் ஏவல்’ படத்தின் இயக்குநர் சீனுராமசாமிக்கு இந்தக் கூட்டணியைச் சாத்தியப்படுத்தியதில் பெரும் பங்கு!

”இந்த இணைவுக்குக் கனவு கண்டவர் பலர். பலிக்கவைத்தவர் சீனுராமசாமி. அதற்குத் துணை நின்றவர் லிங்குசாமி!” என்று பேசத் தொடங்கினார் வைரமுத்து.

”சிறுவயதில் இருந்தே யுவனையும் சமீப காலமாக அவருடைய பாடல்களும் எனக்குப் பிடிக்கும். பழைய நினைவு ஒன்றைச் சொல்கிறேன்.

அப்போது இளையராஜா உஸ்மான் ரோடு வீட்டில் குடியிருந்தார். அந்த வீடு ‘சிவகங்கைச் சீமை’ காலத்தில்,  கண்ணதாசன் அலுவலகம். அவரை முதலில் நான் சந்தித்த வீடும் அதுதான். அந்த வீட்டில் இந்தப் பையன் தவழ்ந்து விளையாடியபோது ஒருமுறை இளையராஜா சொன்னது இன்றும் என் நினைவில் உள்ளது. ‘நான் 40 வயதில் அடைந்த புகழை, இந்தப் பையன் 20 வயதில் எட்டுவான்’ என்றார். ‘பொன்குஞ்சாக நினைத்துப் பேசுகிறார்’ என நினைத்தேன். ஆனால், அவரது கணிப்பு பின்னர் பலித்ததில், எனக்கு ஆச்சரியம்!

ராஜா குடும்பத்தில் என் மீது அதீத அன்பு காட்டியவர் அவரது துணைவியார், என் பாசத்துக்குரிய சகோதரி ஜீவா. அந்தச் சகோதரி கையால் பலமுறை உணவு அருந்தியவன் நான். அவர் என்னிடம் ஒருமுறை கேட்டார், ‘அவரோடதானே உங்களுக்கு முரண்பாடு. என் மகனுக்குப் பாட்டு எழுத என்ன தயக்கம்?’ என்று. அப்போது, ‘இருக்கட்டும்மா… ஒரு காலம் வரும்’ என்றேன். ஆனால், அந்தக் காலம் வரும்போது அதைப் பார்த்து மகிழ, சகோதரி இல்லாமல் போய்விட்டார்.

சில ஆண்டுகளுக்கு முன், ‘எனக்குப் பாட்டு எழுத முடியாதா அங்கிள்?’ என்று யுவன் கேட்டார். எனக்கும் ஆசைதான். யுவனின் புதுப்புது ஒலியோடு என் முது மொழி சேர்ந்தால், புது இசை வருமே என்ற ஆவல். ஆனாலும்கூட அந்த இணைப்பினால் அவருக்குப் பாதிப்பு வந்துவிடக் கூடாது என நினைத்து, ‘தம்பி… வளர்ந்துட்டு வர்றீங்க. உங்களுக்கு ஒரு சின்ன இடையூறும் வந்துவிடக் கூடாது’ என்று அந்தச் சந்தர்ப்பத்தைத் தட்டிக் கழித்தேன். ஆனால், இன்று யுவன், அசைக்க முடியாத உயரத்துக்குச் சென்றுவிட்டார். இப்போது நேரம் கனிந்ததாக நினைத்தேன். ‘இடம் பொருள் ஏவல்’ மூன்றும் கூடிவந்தது போலவே மூவரும் கூடிவிட்டோம்!” என்று சீனுராமசாமியையும் யுவனையும் இறுக்கி அணைத்துக்கொள்கிறார் வைரமுத்து.

சின்னச் சின்ன வார்த்தைகளாகப் பேசினார் யுவன். ” ‘பூவெல்லாம் கேட்டுப்பார்’ படத்துக்குப் பாட்டு எழுத சார்கிட்ட கேட்டேன். அப்ப வொர்க்-அவுட் ஆகலை. இப்போ செய்தி கேள்விப்பட்டு, ‘யுவன் எதுவும் பிரச்னை ஆகிடாதே’னு எனக்கு நெருக்கமானவங்களே விசாரிக்கிறாங்க. சினிமா, பெர்சனல் ரெண்டையும் நான் தனித்தனியா வெச்சுக்கிறது இல்லை. எல்லாமே எனக்கு ஒண்ணுதான். என் அம்மாகிட்ட இருந்து நான் கத்துக்கிட்டது அன்பு செலுத்துறது மட்டும்தான். வாழ்க்கை, இசை… எதையும் அன்பால் வெளிப்படுத்தினால் எந்தப் பிரச்னையும் இருக்காது. அதைத்தான் நான் இப்போ கடைப்பிடிக்கிறேன்!” என்கிறார் ஜென் துறவி போல!

”கொடைக்கானல் மலைதான் கதைக்களம். பாடல் முழுக்கவே மண் சார்ந்த விஷயங்கள் நிறைய இருக்கும். கதையையும் சூழலையும் சொன்னதுமே அந்த மனநிலையிலேயே யுவன் முதல் பாடலுக்கு டியூன் அமைத்துவிட்டார். அதை கவிஞரிடம் எடுத்து வந்தேன். ஒரு முறைக்கு இருமுறை கேட்டவர், ‘டியூனிலேயே குளிர் அடிக்குதய்யா’ என்றார். அழுத்தமான கதைகொண்ட ஒரு சினிமாவுக்கு அனுபவம் வாய்ந்த கவிஞர், இன்றைய இளைஞர்களின் இசைஞர்… இருவரும் சேரும்போது அர்த்தமுள்ள பாடல்கள் வரும். அப்படி ஒரு ரசனைக் கூட்டணி அமைந்ததில் மகிழ்ச்சி!” என்கிறார் சீனுராமசாமி.

”இளையராஜா இசையில் வைரமுத்து எழுதிய பாடல்களில் உங்களுக்குப் பிடித்த பாடல்?” – இந்தக் கேள்வி யுவனுக்கு!

”எக்கச்சக்கம். சிம்பிளா… எல்லாப் பாடல்களும்!” – யோசிக்கவே இல்லை யுவன்.

கேட்பதற்கு முன்னரே பதில் தாவி வருகிறது கவிப்பேரரசிடம் இருந்து… ”யுவன் இசையில், ‘நந்தா’ படத்தின் ‘முன்பனியா… முதல் மழையா…’, ‘தங்கமீன்கள்’ படத்தின் ‘ஆனந்த யாழை மீட்டுகிறாய்…’ ஆகிய இரண்டு பாடல்களும் எனக்கு மிகவும் பிடித்தவை. கிறங்கவைத்த இசை. இரண்டிலும் இளமையோடுகூடிய முதிர்ச்சி, நரைக்காத இளமை… அற்புதமான கலவையாக சுதி சேர்ந்திருக்கும்!”

”இசை, பாடல் வரிகளுக்கு வழிவிட வேண்டும் என்பதில் உறுதியாக இருப்பார் வைரமுத்து. உங்கள் இசையில் மெலடி மட்டுமே பெரும்பாலும் அந்த ரகம். ஆக, உங்கள் கூட்டணியில்… ‘மெட்டுக்குப் பாட்டா… பாட்டுக்கு மெட்டா’..?” – இந்தக் கேள்விக்கு முதல் பதில் யுவனிடம் இருந்து.

” ‘மங்காத்தா’, ‘பிரியாணி’யில் ஃபாஸ்ட் பீட்லயும் வரிகள் தெளிவாக் கேக்குமே! நான் எப்பவும் வார்த்தைகளுக்கு முக்கியத்துவம் கொடுப்பேன். அதனால எந்தச் சிக்கலும் இருக்காது!” தொடர்கிறார் வைரமுத்து.

”யுவனின் மனம் அறிந்து இந்த விஷயத்தைச் சொல்கிறேன். ஒரு படத்தில் மனதின் குரல், சமூகத்தின் குரல் என இரண்டு வகையான பாடல்கள் உள்ளன. மனதின் குரலில் வரிகள் கேட்க வேண்டுமே என கவிஞர்கள் தவிப்போம். சமூகக் குரல் என்பது கூட்டுக் குரல். அது கொண்டாட்டக் குரல். வாத்தியங்களின் ஊழிக்கூத்து. அதில் வாத்தியங்களுக்கே முதல் இடம்.

ஒரு படத்தின் வசனத்தில் ஒரு வார்த்தைகூட கேட்காமல் இருக்குமா? வசனத்தின் மீது வாத்தியங்கள் ஒலிக்குமா? அப்படி இருக்கையில் பாட்டு, அதைவிட உயர்ந்த மொழி அல்லவா? ஆகவே, அதற்கு வழிவிடுங்கள் என்றுதான் நான் எப்போதும் கேட்பேன். இது என் சின்ன வேண்டுகோள். அதற்காக வாத்தியமே வேண்டாம் என்று சொல்லவில்லை. வாத்தியம் இல்லை என்றால் பாட்டும் இல்லை. எங்கள் தமிழ் மட்டும்தான் கேட்க வேண்டும் என்றால், நாங்கள் புத்தகம்தான் போட்டுக்கொண்டு இருக்க வேண்டும்!

நான் எப்போதும், ‘எழுதிக்கொடுத்து இசையமைப்பதற்கு இந்தப் படத்தில் இடம் இருக்கிறதா?’ என்று கேட்பேன். இல்லை என்றால் ‘மெட்டு கொடுங்கள்’ என கேட்டு வாங்கி எழுதிக் கொடுத்துவிடுவேன். எழுதிய பாட்டுக்கு மெட்டு போடப்பட்டால், பாடலில் வடிவம் கவிஞர்களால் தீர்மானிக்கப்படும். ஆனால், பாடல் என்றாலே இசைதானே. இசைக்கு மொழி, உடலில் சட்டை போல் இருக்கக் கூடாது. இசையும் மொழியும் உடலின் உறுப்பாக ரத்தமும் சதையுமாக இருக்க வேண்டும். குத்துப்பாட்டு என்பதுகூட கூத்துப்பாட்டு என்பதில் இருந்து மருவி வந்த சொல்லே தவிர வேறல்ல. இயல், இசை வரிசையில், ‘கூத்து’ மூன்றாம் தமிழ். ஆனால், அதை, தமிழன் ‘குத்து’ என நான்காம் தமிழாக மாற்றிவிட்டான்!” என்று சிரிக்கிறார் வைரமுத்து, இருவரையும் அணைத்தபடி!

‘இது நம்ம ஆளு சார்!’

‘இது நம்ம ஆளு சார்!’

‘இது நம்ம ஆளு சார்!’
சிம்பு – நயன் ஸ்வீட் சர்ப்ரைஸ்
ம.கா.செந்தில்குமார்

”படத்துல பொண்ணு பார்க்கிற சீன். நயன்தாராவைப் பொண்ணு பார்க்க வந்திருப்பார் சிம்பு; கூடவே சூரி. சிம்புகிட்ட நயன், ‘உனக்குப் பொண்ணுங்க கிட்ட பிடிச்ச விஷயம் என்ன?’னு கேட்பாங்க. உடனே சூரி, ‘நீங்க வேற… அவனுக்குப் ‘பொண்ணு’னு எழுதினாலே பிடிக்கும்’பார். அதுக்கு நயன்தாரா அவ்ளோ சிரிப்பாங்க. அந்தச் சிரிப்புக்கு அவங்க நிச்சயம் ஹோம் வொர்க் பண்ணியிருக்க மாட்டாங்க!” – குறும்பாகச் சிரிக்கிறார் இயக்குநர் பாண்டிராஜ். ‘சிம்பு – நயன் மீண்டும் ஜோடி’ என்ற ஒரு வரியில் ஏக எதிர்பார்ப்பை உண்டாக்கிவிட்டார் மனிதர்.

”ஆனா, சிம்பு – நயன்தாராவை மனசுல வெச்சு நான் இந்தக் கதை பண்ணலை. ஒரு விஷயம் முடியாதுனு யாராவது சொன்னா, ‘ஏன் முடியாது?’னு எனக்குள்ள கேட்டுப் பார்த்துக்குவேன். படத்துக்கான டிஸ்கஷன்ல இருந்தப்ப ஒரு உதவி இயக்குநர், ‘இந்தக் கதைக்கு சிம்பு-நயன் இருந்தா எப்படி இருக்கும்?’னு கேட்டவர் அப்புறம் அவரே, ‘அதுக்கு சான்ஸே இல்லையே’னு சொன்னார்.

‘ஏன் சான்ஸ் இல்லை?’னு எனக் குள்ள ஒரு கேள்வி கேட்டேன். இதோ… ரெண்டு பேரையும் ஜோடி சேர்த்து படம் பாதி முடிஞ்சிருச்சு. இப்போ என்னதான் கதை, திரைக்கதை, டெக்னிக்கல் சங்கதிகள்னு தரமாகப் பண்ணாலும், அதை ரசிகர்கள்கிட்ட கொண்டுபோய்ச் சேர்க்க, கமர்ஷியல் லோகோ ஒண்ணு தேவைப்படுது. அப்படி இந்தப் படத்துக்கு சிம்பு-நயன். மத்தபடி இது செம லவ் ஃபீல் சினிமா!”

”இவங்கதான் நடிச்சே ஆகணும்ங்கிற அளவுக்கு அப்படி என்ன கதை?”

”காதல் மட்டும்தான் கதை. பழைய படங்கள்ல, ‘நம்பியார்’னு டைட்டில் கார்டுல போடுறதோட சரி… வேற எந்த இன்ட்ரோவும் இல்லாம, நேரடியா வில்லத்தனத்தை ஆரம்பிச்சிடுவார். அப்படி இந்தப் படத்துல சிம்பு-நயன் முதல் பார்வையில இருந்தே காதலிக்க ஆரம்பிச்சுடுவாங்க. அந்தக் காதல் கெமிஸ்ட்ரியில் உங்களுக்கு எந்தச் சந்தேகமும் வரக் கூடாதுல்ல. அதுக்காகத்தான் சிம்பு-நயன் கூட்டணி!

சிம்புவுக்கு லவ் ஃபெயிலியர். அவருக்கு வீட்டுல பார்த்த பொண்ணு நயன். நிச்சயதார்த்தம் முடிஞ்சு கல்யாணத்துக்காக அஞ்சு, ஆறு மாசம் காத்திருக்காங்க. அப்போ ரெண்டு பேருக்கும் இடையில் பூக்கும்  காதல்தான் கதை. காதல் தரும் எதிர்பார்ப்புகள், அதன் பிறகான ஏமாற்றங்கள், அது உண்டாக்கும் பிரச்னைகள்… இதுதான் படம்!”

”இது படத்தோட கதைதானா?”

”அட… எல்லாக் காதலுக்கும் இது பொருந்தும்தானே! சிம்புகிட்ட, ‘இதுல ஓப்பனிங் சாங் கிடையாது; சண்டை கிடையாது; வழக்கமா நீங்க பண்ற எந்த விஷயமும் இருக்காது’னு சொன்னேன். ‘அதெல்லாம்  எதுவும் வேணாம். என் கேரக்டருக்கு சமமான ஹீரோயின் கேரக்டர் இருந்தாலும் பண்றேன். ஏன்னா, கதை என் வாழ்க்கையோட சம்பந்தப்பட்டி ருக்கு’னு சொன்னார்.

நயன்தாராவை கமிட் பண்றதுக்கு முன்னாடி, ‘கதவைத் திற காதல் வரட்டும்’, ‘லவ்வுனா லவ்வு அப்படி ஒரு லவ்வு’… இதுல ஏதாவது ஒண்ணைத்தான் டைட்டிலா வைக்கலாம்னு முடிவு பண்ணியிருந்தோம். ஆனா, நயன் கமிட்டானதும், இன்னும் பெரிய ரேஞ்ச்ல தலைப்பு வைக்கணும்னு யோசிச்சோம். நயன்தாராவை, சிம்பு ஒவ்வொரு முறை பார்க்கும்போதும் ‘இது நம்ம ஆளு சார்’னு ஃபீல் பண்ற மாதிரி ஏகப்பட்ட சீன்ஸ் படத்துல இருக்கு. அதனால படத் தலைப்பையே, ‘இது நம்ம ஆளு’னு வைக்கலாம்னு ஒரு ஐடியா!”

”முன்னாள் காதலர்களை வெச்சு, அவங்க முன்னாள் காதலை நினைவுபடுத்துற மாதிரியான காட்சிகளைப் படம் பிடிக்கும்போது சிரமமா இல்லையா?”

”அப்படி எதுவுமே இல்லை. நான், நீங்க ஒண்ணு எதிர்பார்ப்போமே… அது எதுவும் இல்லை. சிம்பு-நயன் ரெண்டு பேருமே பெஸ்ட் ஃப்ரெண்ட்ஸ் மாதிரி பழகிக்கிறாங்க. ரெண்டு பேருக்கும் நடுவில் எந்த ஈகோவும் இல்லை. சில வசனங்கள் பழைய நினைவுகளைக் கிண்டுற மாதிரி இருந்தாலும், அதைப் பேசுறதுக்கு அவங்க தயக்கமே காட்டலை. நான் பொதுவா எதையும் பில்ட்-அப் பண்ணிச் சொல்ல மாட்டேன். ஆனா, இந்தப் படத்துல நயனும் சிம்புவும் முதல் முறை சந்திக்கிறப்ப, சொல்ற டயலாக் அதிரடிக்கும். விசில், க்ளாப்ஸ் பட்டையைக் கிளப்பும் பாருங்க. ‘எல்லாருக்கும் லவ்ல பிரச்னை இருக்கும். ஆனா, உனக்குப் பிரச்னைல லவ் இருக்குடா’னு சிம்புவிடம் சூரி சொல்வார். ‘சகோ… அவளை நான் லவ் பண்ணப்போறேன்’னு சிம்பு சொன்னதும், ‘எத்தனை நாளைக்கு?’னு கேட்பார் சூரி.

இப்படி படம் முழுக்கப் பட்டாசுதான். சிம்பு-நயன்கிட்ட, ‘இதுதான் சீன். ரெண்டு பேரும் ஆக்ட் பண்ணுங்க’னு சொல்வேன். ‘எப்படி நடிக்கிறது?’னு கேட்பாங்க. ‘ஏங்க… உங்க ரெண்டு பேருக்கும் நான் சொல்லியாத் தரணும். அதான் ஏராளமாப் பண்ணியிருக்கீங்களே. அதையே பண்ணுங்க’னு சொல்லுவேன். சிரிச்சுட்டே பெர்ஃபார்ம் பண்ணுவாங்க. அந்த அளவுக்கு அவங்க ரெண்டு பேரும் ஈஸியா இருக்காங்க. ஏன்னா, அவங்க தங்களோட கேரியர்ல, அடுத்தடுத்த சினிமாக்கள்ல தெளிவா இருக்காங்க. ஃப்ளாஷ்பேக் ஞாபகங்கள் அவங்களைத் திசை திருப்பாது!”

”சிம்புவுக்கு சந்தானம்தானே எப்பவும் காமெடி பார்ட்னர். இதில் சூரி… சிம்பு செட் ஆகிட்டாரா?”

”சூரியை ஃபிக்ஸ் பண்ணதுல சிம்புவுக்கு சம்மதமே இல்லை. ‘ரெண்டு பேருக்கும் அண்டர்ஸ்டாண்டிங் எப்படி இருக்கும்னு தெரியலையே’னு ரொம்ப யோசிச்சார். ‘சூப்பரா இருக்கும். நான் டயலாக் எல்லாம் சூரியை மனசுல வெச்சுதான் எழுதியிருக்கேன். நல்லா வரும்’னு சொல்லி அவரைச் சம்மதிக்க வெச்சேன். ஆனாலும், கொஞ்சம் சந்தேகமாத்தான் முதல் நாள் நடிக்க வந்தார். ஆனா, ஒரே நாள்லயே ரெண்டு பேரும் பயங்கர க்ளோஸ் ஆகிட்டாங்க!”

”சிம்புவின் தம்பி குறளரசனை இசையமைப்பாளரா அறிமுகப்படுத்துறீங்க போல..?”

”ஆமா. சிம்பு தம்பியாச்சே… பிரமாதப்படுத்துறார். ஒருநாள், சிம்பு ஐபாட்ல இருந்து 10 டியூன்களை பிளே பண்ணார். ‘நல்லா இருக்கே… நீங்க கம்போஸ் பண்ண டியூன்களா?’னு கேட்டேன். ‘இல்லை… இது மாதிரி இன்னும் 100 இருக்கு. எல்லாம் குறள் கம்போஸ் பண்ணது’னு தம்பியை அறிமுகப்படுத்தி வெச்சார். ‘உங்களுக்குப் பிடிச்சிருந்தா, அப்ஜெக்ஷன் இல்லைனா குறளை இந்தப் படத்துக்குப் பயன்படுத்தலாமா?’னு கேட்டார். ‘புதுமுகங்களை அறிமுகப்படுத்துறது எனக்கு ரொம்பப் பிடிக்கும். தம்பிகிட்ட திறமையும் இருக்கு. இதுக்கு மேல என்ன வேணும்’னு உடனே படத்துக்கு ஃபிக்ஸ் பண்ணிட்டோம். படத்தோட அஞ்சு பாட்டும் ஒவ்வொரு வெரைட்டி. ரொம்ப எனர்ஜியான பையன் குறள்!”

” ‘பசங்க’ படத்துக்காக தேசிய விருது பெற்றவர் நீங்க. அடுத்தடுத்து கமர்ஷியல் படங்களே பண்றீங்களே?”

”இந்த மாதிரிப் படங்களுக்குத் தானே நல்ல சம்பளம் தர்றாங்க. அப்பத்தானே, ‘மூடர்கூடம்’, ‘கோலிசோடா’ மாதிரியான படங்களுக்கு ஹெல்ப் பண்ண முடியும். ‘பசங்க’ மாதிரி படங்கள் நிச்சயம் திரும்பவும் பண்ணுவேன். நான் இயக்குநர் ஆன பிறகுதான், சரியாவே சாப்பிட ஆரம்பிச்சேன். அதுக்கு முன்னாடி வரைக்கும் சரியான வீடு, சாப்பாடுகூட இல்லாம கஷ்டப்பட்டேன். எனக்கு அடுத்து வர்ற தலைமுறையும் அப்படிக் கஷ்டப்பட்டுட்டே இருக்கணுமா என்ன?”